趣味新聞

英國有調查指，男人人生中最大壓力的事是預備婚禮，
女人則覺得生育和搬屋才是最煩惱，那麼，香港的準新人
又是否覺得結婚很大壓力呢？

多數受訪者都表示預備婚禮面對很大壓力，
「都係架，嚟自錢同雙方家長」、「好多嘢揀，揀嗰陣可能
同另一半唔係好match，咁咪有壓力囉」、
「好多濕碎嘢，會唔會有啲咩禮節，得失邊個，
又漏咗啲乜，咁樣會大壓力啲」、
「會驚請咗人，人哋唔嚟，有時都話唔夠錢囉」。

最近香港都有調查指，結婚最少花30萬，
有人更想過逃婚，至於吵架則少不免，
「禮金又拗，結婚場地又拗，總之咩都拗」、
「一講到錢銀就會嗌交，但係努力啲搵錢囉，無辦法啦」、
「我個朋友就冷靜期，要我哋啲朋友幫手」，
有受訪者更表示會失眠。

對於女士來說，結婚與生育比較，生育的壓力更大，
「驚佢健唔健康，乖唔乖呢啲」、
「修身最大壓力」、
「我見我啲朋友都好大壓力，完全係人生另外一個階段」。